उज्ज्वला जगताप
उज्ज्वला आणि सतीश जगताप यांनी नाशिक येथे अंथरुणाला खिळलेल्या रुग्णांसाठी 'दिलासा केअर सेंटर'ची 2005 मध्ये स्थापना केली. उज्ज्वला आणि सतीश उच्चशिक्षित आहेत. त्यांनी आर्थिकदृष्ट्या कमकुवत मुलींना स्वावलंबी करण्यासाठी नर्सिंग ट्रेनिंग संस्थेद्वारे सुमारे अडीचहजार मुलामुलींना स्वावलंबी होण्यास मदत केली. त्यांनी ‘दिलासा’ची सुरुवात तीन रुग्णांना घेऊन केली, आता त्या संस्थेत सत्तर रुग्ण आहेत.
दिलासा – रुग्णांच्या चेहऱ्यावरील हसू (Smiles on the faces of patients at Dilasa)
व्याधिग्रस्त वृद्ध लोकांना सांभाळणे, त्यांचे औषधपाणी करणे, त्यांना त्यांचा शारीरिक त्रास, वेदना कमी होण्यासाठी मदत करणे, विकलांग, मतिमंद मुलांना आयुष्य चांगले जगण्याकरता मदत करणे अशी कामे करणारी ‘दिलासा’ ही नाशिकमधील अठरा वर्षे जुनी संस्था आहे. अभियांत्रिकीचे शिक्षण घेतलेले सतीश जगताप आणि राज्यसेवेच्या परीक्षेची तयारी करणाऱ्या उज्ज्वला जगताप या दाम्पत्याने नेहमीच्या वाटा बदलून स्वतःची स्वतंत्र वाट निर्माण केली...