दैनिक लोकसत्‍तेत दर गुरूवारी ‘भवताल’ नावाचे एक पान प्रसिद्ध केले जाते. दिनांक 12 मे 2011 च्‍या या पानावर अभिजीत घोरपडे यांनी ‘असाही एक धाबा’ या मथळ्याखाली फार रोचक माहिती दिलेली आहे. जेजूरी परिसरातील एका गावात असलेल्‍या ‘माऊली’ नावाच्‍या एका ढाब्‍याचे खरकटे पाणी वापरून चव्‍हाण नावाच्‍या व्‍यक्तिने एक एकर शेतीत सिताफळाची बाग फुलवली आहे. शहरांमध्‍ये सांडपाण्‍यावर प्रक्रिया करून त्‍याचा पुर्नवापर करण्‍याच्‍या वारंवार सूचना देवूनही कुणीच काही करत नाही. अशा वेळी या व्‍यक्तिने केलेले काम खरोखर स्‍तुत्‍य वाटते.
स्‍वप्‍नाली यादव या जलतरणपटूने ऑस्‍ट्रेलियातील एका तलावात 20 कि. मी. चे अंतर पार करून पहिला क्रमांक पटकावला. मात्र तिला म्‍हणावी तशी प्रसिद्धी मिळाली नाही. अशा वेळी लोकसत्‍ताने स्‍वप्‍नाली यादववर व्‍यक्तिवेध सादर करणे फारच योग्य वाटले.
अशोक जैन
पत्रकार-लेखक
दिनांक – 12.05.2011
About Post Author
दिनकर गांगल हे ‘थिंक महाराष्ट्र डॉट कॉम’ या वेबपोर्टलचे मुख्‍य संपादक आहेत. ते मूलतः पत्रकार आहेत. त्‍यांनी पुण्‍यातील सकाळ, केसरी आणि मुंबईतील महाराष्ट्र टाईम्स या वर्तमानपत्रांत सुमारे तीस वर्षे पत्रकारिता केली. त्‍यांनी आकारलेली ‘म.टा.’ची रविवार पुरवणी विशेष गाजली. त्‍यांना ‘फीचर रायटिंग’ या संबंधात राष्‍ट्रीय व आंतरराष्‍ट्रीय (थॉम्‍सन फाउंडेशन) पाठ्यवृत्‍ती मिळाली आहे. त्‍याआधारे त्‍यांनी देश विदेशात प्रवास केला.
गांगल यांनी अरुण साधू, अशोक जैन, कुमार केतकर, अशोक दातार यांच्‍यासारख्‍या व्‍यक्‍तींच्‍या साथीने ‘ग्रंथाली’ची स्‍थापना केली. ती पुढे महाराष्‍ट्रातील वाचक चळवळ म्‍हणून फोफावली. त्‍यातून अनेक मोठे लेखक घडले. गांगल यांनी ‘ग्रंथाली’च्‍या ‘रुची’ मासिकाचे तीस वर्षे संपादन केले. सोबत ‘ग्रंथाली’ची चारशे पुस्तके त्‍यांनी संपादित केली. त्‍यांनी संपादित केलेल्‍या मासिके-साप्‍ताहिके यांमध्‍ये ‘एस.टी. समाचार’चा आवर्जून उल्‍लेख करावा लागेल. गांगल ‘ग्रंथाली’प्रमाणे ‘प्रभात चित्र मंडळा’चे संस्‍थापक सदस्‍य आहेत.
साहित्‍य, संस्‍कृती, समाज आणि माध्‍यमे हे त्‍यांचे आवडीचे विषय आहेत. त्‍यांनी त्‍यासंबंधात लेखन केले आहे. त्यांची ‘माया माध्यमांची’, ‘कॅन्सर डायरी’ (लेखन-संपादन), ‘शोध मराठीपणाचा’ (अरुणा ढेरे व भूषण केळकर यांच्याबरोबर संपादन) आणि ‘स्‍क्रीन इज द वर्ल्‍ड’ अशी पुस्तके प्रसिद्ध झाली आहेत. त्‍यांना महाराष्ट्र सरकारचा ‘सर्वोत्‍कृष्‍ट वाङ्मयनिर्मिती’चा पुरस्‍कार, ‘मुंबई मराठी साहित्‍य संघ’ व ‘मराठा साहित्‍य परिषद’ यांचे संपादनाचे पुरस्‍कार वाङ्मय क्षेत्रातील एकूण कामगिरीबद्दल ‘यशवंतराव चव्‍हाण’ पुरस्‍कार लाभले आहेत.
